Boas tardes fermoso público lector!
O pasado venres 27 de outubro celebramos na nosa escoliña o Día das Bibliotecas, que fermosa celebración!
Neste sentido, relacionado con este día, o escritor Gonzalo Moure define a Biblioteca como un espazo para desexar ir buscar lectura, pero tamén amizade, soños compartidos. Mesmo amor. Un lugar no que namorarse mirando uns ollos por encima dun libro. Porque á fin e ao cabo, a biblioteca é o lugar no que se descobre ao outro, de papel ou de carne. Porque foron os libros os que marcaron o ritmo dos cambios do ser humano. Porque o libro é o laboratorio do home, o lugar no que se experimenta con emocións, descubrimentos, utopías, apostas. Somos o que somos porque pensamos e escribimos sobre como ser e sobre como non ser. E seremos o que pensemos, o que pensen e escriban as próximas xeracións.
Nós, na nosa Biblioteca de Espiñeira convidamos ao alumnado, a través de diferentes propostas, a ler, a escribir, é dicir que facemos deste lugar un sementeiro de historias do que pode ser o noso futuro.
Ademais, todo o equipo docente da escola ten como obxectivo que toda a cativada sexa feliz rozando a man dunha bibliotecaria ou dun bibliotecario que a orienta e a acompaña no labirinto cheo de libros.
Pero, sabedes que organizou o Equipo de Biblioteca para festexar este efeméride? Pois, prepararon 8 probas relacionadas co Proxecto Anual do Centro que é: Luces, Cámara, Acción e Diversión. Este está relacionado co Cine, por iso, a xincana estaba dividida en 8 Tomas:
Cando cada equipo conseguía resolver cada Toma, recibía unha peza do quebracabezas que tiña que montar ao final, dando lugar ao Logo e Lema do PDI.
A continuación ides ver unha selección de fotos dalgunhas das propostas...
Despois, cada ciclo foi ver unha presentación de Genially onde se lles daba a benvida á Biblioteca un ano máis, lembrando como se facía o préstamo dos libros, as normas,... e, por suposto, a entrega das Mochilas Viaxeiras...
Finalmente, dende a área de plástica fíxerónse uns fermosos marcapáxinas e un mural que loce no corredor da nosa biblioteca:
Xa chegou o momento de despedirme de todas e todos vós... Lembrade que, como mencionaba Gonzalo Moure, dicir o Día das Bibliotecas é o mesmo que dicir Día da Luz.
Unha aperta,
Espiñeiriña.
.jpeg)
