DÍA E MES DAS LETRAS GALEGAS

Hoxe, 17 de maio do 2020, celebramos o día das Letras Galegas nunhas circunstancias totalmente inesperadas. Este ano o homenaxeado é Ricardo Carvalho Calero e por iso queremos compartir novos recursos que nos permitan coñecer máis acerca deste traballador incansable, a pesar das circunstancias, profesor, escritor de destacadas obras en todos os xéneros: poesía, narrativa, teatro, ensaio...

 Ilustración extraída da web www.amesa.gal

Un dos seus libros máis coñecidos e dirixido a un público infantil é "As pitas baixo a choiva". Un relato breve que narra un feito anecdótico da infancia do autor. A continuación, compartimos actividades e xogos interactivos que esperamos sexan do voso agrado:

Accede ás actividades premendo AQUÍ

A través das seguintes ligazóns poderedes acceder ó relato de "As pitas baixo a choiva" e á música de "A banda das pitas":

• As pitas baixo a choiva: https://issuu.com/bucle/docs/as_pitas

• A banda das pitas: https://aspitasbaixoachoiva.bandcamp.com/album/as-pitas-baixo-a-choiva  

Dende a páxina web de Aulas Galegas seguen a compartir moitos recursos xeniais dirixido tanto a nenos e nenas como ás familias: Aulas Galegas - Ricardo Carvalho Calero. 

Nós fixemos unha selección de dúas actividades interactivas que nos pareceron ideais de cara a coñecer máis sobre a figura deste autor dunha forma entretida e lúdica. A primeira ligazón está máis dirixida a alumnado de Educación Infantil e 1º e 2º de Educación Primaria e a segunda a alumnado de Educación Primaria:

• https://view.genial.ly/5eb042186f16bf0d194d52c8/presentation-letras20

• https://view.genial.ly/5eb29310e4d83e0d37f300e7/game-letras-galegas 

Ademais, queremos compartir con vós dous vídeos musicais, sen dúbida, excelentes para festexar este día!

Uxía e Tanxugueiras - A FALA

Para aqueles e aquelas que gocen da poesía, compartimos un videopoema moi bonito relacionado coa nosa lingua:

En relación coas Letras Galegas, dende a escola queremos facer a nosa particular adaptación da campaña #DígochoEu. Consideramos que é unha iniciativa xenial que está a promocionar CRTVG. Manterémosvos informados...

Por último, que mellor forma de despedirse que con humor! Por iso vos deixamos cunhas viñetas de DAVILA referidas ás Letras Galegas.

Deica pronto navegantes!

Volveremos para compartir máis novas con vós.

Unha aperta!

LETRAS GALEGAS: RICARDO CARVALHO CALERO

Achégase o día en que cada curso celebramos as Letras Galegas e, como ben sabedes, este ano dedícanse a Ricardo Carvalho Calero. Dadas as circunstancias actuais, é imposible celebrar este día todos e todas xuntas na escola e poder gozar do material impreso que tanto a Biblioteca como dende o Equipo de Dinamización da Lingua Galega poderíamos ofrecer.

Non obstante, sempre nos quedan os recursos dixitais, polo que a continuación compartiremos unha selección dos atopados na rede e que consideramos mellor para vós.

1.- REAL ACADEMIA GALEGA

Na páxina da Real Academia Galega (RAG) podemos atopar materiais de diversa índole relacionados todos coa nosa lingua. Tamén nos recordan por que cada 17 de maio, celebramos que temos unha lingua e unha literatura propia: porque a través dela, "rememoramos o pasado, nomeamos o presente e construímos o futuro".

Se premedes AQUÍ  poderedes acceder nesa páxina a un documento descargable que vos explica de forma moi sinxela e ilustrada a historia da nosa lingua. Ademais, integra apartados de curiosidades e  actividades.

Na mesma páxina tamén tedes a posibilidade de acceder a todo tipo de material (descargable, interactivo, en rede...) que a RAG ofrece. 

 2.- SEMINARIOGALAN.ORG

Nesta páxina, SEMINARIO GALÁN, atoparedes todo tipo de información sobre Ricardo Carvalho Calero, así como actividades LIM adaptadas ás diferentes idades (de 3 a 12 anos).  Premede AQUÍ para acceder as actividades.

 

3.- PREGUNTOIRO MUSICAL

Compartimos este "preguntoiro musical", o cal nos pareceu do máis interesante e divertido para indagar e coñecer moitos aspectos da vida e obra do autor.

4.- AULAS GALEGAS

Na páxina das aulas galegas actualizan cada día actividades en galego destinadas a nenos e nenas de diferentes idades. Como xa dixemos na entrada titulada A BIBLIOTECA EN TEMPOS DE CORENTENA, hai moitas actividades de dinamización á lectura en galego, conta-contos, actividades a partir dun libro, propostas didácticas manipulativas... pero neste caso, queremos destacar os recursos que comparten sobre Ricardo Carvalho Calero. Recoméndannos a visualización deste vídeo realizado polo alumnado de 5º de Educación Primaria do Colexio San Pío X:

Deixamos o acceso directo á publicación, a cal inclúe un xogo destinado ó alumnado de 3º a 6º de Educación Primaria: https://aulasgalegas.org/don-ridardo-o-xogo/

Por último, queremos amosarvos un Genially que nos compartiron e que integra información e actividades xeniais sobre o autor homenaxeado.

Preme para acceder en: GENIALLY RICARDO CARVALHO CALERO

Esperamos que vos guste!

Un cordial saúdo.

O Equipo de Bibliteca e o EDLG do CEIPP da Espiñeira-Aldán.