O pasado 26 de setembro celebramos unha Xornada de Mobilización polo Clima, para así coñecer a importancia de protexer o Medio Ambiente e actuar de maneira responsable contra o cambio climático.
Os nenos e nenas de Espiñeira sabemos que nós podemos marcar a diferencia, por iso queremos compartir todas as actividades que fixemos.
Limos unha carta/ manifesto sobre os efectos do cambio climático e o conto "Unha mensaxe nunha botella", co cal aprendimos que reciclar é esencial para combatir o cambio climático.
Tamén nos convertemos en expertos da reciclaxe facendo un xogo de relevos, no que tiñamos que depositar os envases de lixo no seu lugar correspondente.
- Sabías que... as tartarugas mariñas confunden as bolsas de plástico coas medusas e, ao comelas, poden enfermar?
- Sabías que... se reciclamos 1 soa botella de vidro, aforramos suficiente enerxía para que unha bombilla de 100 vatios funcione durante 4 horas?