Hoxe celebramos o noso tradicional Samaín na Espiñeira e, como ben sendo de costume, nesta festividade non puideron faltar as historias relacionadas co medo.
Botando man da literatura, os cursos de 3º, 4º e 5º de Educación Primaria prepararon diferentes productos: audiovisuais, audiolibros, podcast...; que foron proxectados para todo o alumnado do cole dende as diferentes aulas.
- 3º Educación Primaria:
Libro ilustrado e redactado polo alumnado.
- 4º Educación Primaria:
PRESENTACIÓN DO LIBRO ILUSTRADO "Un océano de amor":
AUDIOLIBRO PARTE I
PARTE II
- 5º de Educación Primaria:
Amosáronnos un terrorífico audio-libro sobre O Papón que nos gustou moitísimo:
Tamén vos queríamos compartir algunhas RECOMENDACIÓNS LECTORAS relacionadas coa temática de Samaín/Halloween e destinadas a diferentes tipos de lectores: principiantes, afeccionados/as e expertos/as.
O pasado venres celebramos o Día das Bibliotecas dunha maneira novidosa para nós, xa que non nos puidemos xuntar todos e todas na nosa biblioteca. En cambio, si que nos unimos para celebrar o día da mesma maneira dende as diferentes aulas. Velaquí vos deixamos algunhas fotos da nosa celebración:
1.- Presentamos a nova normalidade:
2.- Entregamos carnés ós novos usuarios:
3.- Desfrutamos xogando a un particular bingo literario:
4.- Entregamos as mochilas viaxeiras:
E este luns xa comezamos co ansiado préstamo de libros!
Benvidos e benvidas a un novo e especial curso escolar!
Como ben sabedes, por mor de adaptarnos ás medidas preventivas marcada por esta nova normalidade, non gozaremos dunha biblioteca central, pero si dotaremos ás aulas de moitísimos fondos para que os poidades desfrutar.
Mañá, venres 23 de outubro, co gallo da celebración do Día das Bibliotecas, presentaremos a súa nova situación e arrancaremos as actividades de dinamización e fomento á lectura deste curso 2020-2021.
Compartimos tamén con vós, as familias, a presentación que mañá proxectaremos dende cada aula burbulla xunto cunha actividade relacionada co día a festexar.
Para a semana estade atentos e atentas ó blog xa que publicaremos unha nova entrada, na cal, subiremos fotos do acontecido.
A Asociación Juan XXIII de Cangas retou ao noso cole a que lle narremos un dos nosos contos favoritos..., e por suposto, nós participamos nesa iniciativa tan bonita. Dende o cole, derivamos este reto ó alumnado de 1º e 2º de Primaria xa que están a mergullarse semana tras semana no traballo e investigación dun conto diferente. Moitos dos rapaces e rapazas aceptaron o reto sen pensalo e velaquí os tedes:
Dende a biblioteca e EDLG, queremos dar as grazas a Asociación Juan XXIII, tanto por contar con nós nesta proposta, como polo estupendo traballo que día a día realizan a nivel de formación e promoción integral das persoas con discapacidade intelectual.
Aproveitamos para compartir con vós algunhas recomendacións lectoras que abordan dunha maneira xenial a atención á diversidade e a inclusión:
Todas estas lecturas atópanse dentro do catálogo da nosa biblioteca.
Quería compartir con vós o resultado da proposta que dende o cole enviamos ás familias para celebrar de maneira "conxunta" o Día e Mes das Letras Galegas. Entre os obxectivos da proposta, cabe destacar a misión de recordar aquelas palabras que habitualmente empregamos en galego de forma incorrecta ensinando, pola contra, a maneira axeitada de dicila. #DígochoEu
A continuación, amosámosvos a nosa propia versión da campaña da CRTVG chamada #DígochoEu.
Graciñas pola vosa colaboración familias!
Ademais, dende a biblioteca queremos informar que aínda permanecemos pechados e, polo tanto, non podemos facer actividades dentro da mesma nin habilitar o servizo de préstamo e devolución de libros. Non obstante, este último servizo si que xa está dispoñible nas bibliotecas públicas do Concello de Cangas.
Compártovos información de interese en canto horarios, servizos e contactos:
Hoxe, 17 de maio do 2020, celebramos o día das Letras Galegas nunhas circunstancias totalmente inesperadas. Este ano o homenaxeado é Ricardo Carvalho Calero e por iso queremos compartir novos recursos que nos permitan coñecer máis acerca deste traballador incansable, a pesar das circunstancias, profesor, escritor de destacadas obras en todos os xéneros: poesía, narrativa, teatro, ensaio...
Un dos seus libros máis coñecidos e dirixido a un público infantil é "As pitas baixo a choiva". Un relato breve que narra un feito anecdótico da infancia do autor. A continuación, compartimos actividades e xogos interactivos que esperamos sexan do voso agrado:
Dende a páxina web de Aulas Galegas seguen a compartir moitos recursos xeniais dirixido tanto a nenos e nenas como ás familias: Aulas Galegas - Ricardo Carvalho Calero.
Nós fixemos unha selección de dúas actividades interactivas que nos pareceron ideais de cara a coñecer máis sobre a figura deste autor dunha forma entretida e lúdica. A primeira ligazón está máis dirixida a alumnado de Educación Infantil e 1º e 2º de Educación Primaria e a segunda a alumnado de Educación Primaria:
Ademais, queremos compartir con vós dous vídeos musicais, sen dúbida, excelentes para festexar este día!
Uxía e Tanxugueiras - A FALA
Para aqueles e aquelas que gocen da poesía, compartimos un videopoema moi bonito relacionado coa nosa lingua:
En relación coas Letras Galegas, dende a escola queremos facer a nosa particular adaptación da campaña #DígochoEu. Consideramos que é unha iniciativa xenial que está a promocionar CRTVG. Manterémosvos informados...
Por último, que mellor forma de despedirse que con humor! Por iso vos deixamos cunhas viñetas de DAVILA referidas ás Letras Galegas.
Achégase o día en que cada curso celebramos as Letras Galegas e, como ben sabedes, este ano dedícanse a Ricardo Carvalho Calero. Dadas as circunstancias actuais, é imposible celebrar este día todos e todas xuntas na escola e poder gozar do material impreso que tanto a Biblioteca como dende o Equipo de Dinamización da Lingua Galega poderíamos ofrecer.
Non obstante, sempre nos quedan os recursos dixitais, polo que a continuación compartiremos unha selección dos atopados na rede e que consideramos mellor para vós.
1.- REAL ACADEMIA GALEGA
Na páxina da Real Academia Galega (RAG) podemos atopar materiais de
diversa índole relacionados todos coa nosa lingua. Tamén nos recordan por que
cada 17 de maio, celebramos que temos unha lingua e unha literatura
propia: porque a través dela, "rememoramos o pasado, nomeamos o presente e construímos o futuro".
Se premedes AQUÍ
poderedes acceder nesa páxina a un documento descargable que vos
explica de forma moi sinxela e ilustrada a historia da nosa lingua.
Ademais, integra apartados de curiosidades e actividades.
Na
mesma páxina tamén tedes a posibilidade de acceder a todo tipo de
material (descargable, interactivo, en rede...) que a RAG ofrece.
2.- SEMINARIOGALAN.ORG
Nesta páxina, SEMINARIO GALÁN, atoparedes todo tipo de información sobre Ricardo Carvalho Calero, así como actividades LIM adaptadas ás diferentes idades (de 3 a 12 anos). Premede AQUÍ para acceder as actividades.
3.- PREGUNTOIRO MUSICAL
Compartimos este "preguntoiro musical", o cal nos pareceu do máis interesante e divertido para indagar e coñecer moitos aspectos da vida e obra do autor.
4.- AULAS GALEGAS
Na páxina das aulas galegas actualizan cada día actividades en galego destinadas a nenos e nenas de diferentes idades. Como xa dixemos na entrada titulada A BIBLIOTECA EN TEMPOS DE CORENTENA, hai moitas actividades de dinamización á lectura en galego, conta-contos, actividades a partir dun libro, propostas didácticas manipulativas... pero neste caso, queremos destacar os recursos que comparten sobre Ricardo Carvalho Calero. Recoméndannos a visualización deste vídeo realizado polo alumnado de 5º de Educación Primaria do Colexio San Pío X:
