22.4.15

Retaliños de Historia

Ola a todo a todos e a todas! O día R xa está próximo! Non sabedes o que é o día R??? Pois é ben fácil… é o día no que por fin imos estrear o novo recuncho de lectura informal do cole. Durante varios meses os artistas do cole estiveron pintando arreo, as familias cosendo e cosendo traballando a actividade “Retaliños de historia”. E hoxe, por fin! xa está case todo listo!! Desde o equipo de Biblio queremos darlle as grazas a todas as familias que participaron, e tamén de forma especial a esa mamá tan artista que pasou o traballo de xuntar todos os anaquiños… Mirade que chulo quedou!!

16.4.15

A música... unha historia!!

Miña nai!!! que viaxe tan estupenda! estes rapaces de Nimus copiáronme a idea e tamén viaxaron no tempo!!
Durante unha hora fixemos un percorrido marabilloso desde a prehistoria ata as películas de hoxe en día, pasando polo gregoriano e por Mozart...
A min gustoume moito, moito... e a vós?



9.4.15

Teatro en lingua Inglesa.

O día 7 de abril os nenos do cole marcharon todos a Cangas ao auditorio.
Ían ver unha obra de teatro, pero esta vez  en lingua inglesa, a obra titulábase: Robin Hood, e pasárono estupendamente.

BÚSCASE!!

6.4.15

ARRIBA O TELÓN!!

Os nenos e nenas de terceiro, cuarto, quinto e sexto estiveron lendo o libro de Neira Vilas :" O espantallo amigo". 
Como fixeron tan ben o seu traballo tiveron  unha estupenda recompensa: Unha mañá de teatro no auditorio de Cangas dunha representación da obra que leron...
Pasárono xenial e gustoulles moito!!!
Mesmo sacaron unha foto no escenario cos actores...

ARRIBA O TELÓN!!
O libro!!
Foto de grupo
OS ACTORES


23.3.15

A nosa cartilla de navegación.

Ola rapaces e rapazas!
 Xa hai unhas semanas que tedes  a vosa cartilla de navegación.Para que poidades botar un ollo aos diferentes libros de cada curso preparei paa vós este libro virtual, clica sobre a portada e poderás velo. Espero que vos guste.
Moitos biquiños de mar para todos e todas.
Espiñeiriña

Que non recordas o rol de navegación? Non te preocupes! revisa a imaxe seguinte e atópate.