Bos días navegantes!
Hoxe quería compartir con vós a primeira saída de curso que realizaron as nenas e nenos de educación infantil que foi, nada máis e nada menos, a biblioteca pública de Aldán. Nela estaba Isa, a bibliotecaria, quen nos recibiu con moito entusiasmo e ilusión.
Foi ela, a bibliotecaria, a que nos propuxo dúas actividades relacionadas co marabilloso mundo dos contos. Así, invitounos a unha sesión de contacontos empregando o libro de Becho Pelota de Olga de Dios e despois, un tempiño de lectura libre.
Ademais, tivemos tempo para realizar o empréstito de libros e aquelas rapazas e rapaces que non tiñan carné de biblioteca pública, puideron facelo.
Continuamos a xornada merendando e xogando no parque de Aldán.
Por último, a volta á escola estivo chea de momentos máxicos, atopándonos así coa familia dun alumno quen nos invitou a visitar unha finca na que tiñan cabalos, proxecto que comezaremos a realizar debido a motivación do noso alumnado.
