COMEZAMOS!

 Ola!  Como vos foi este verán? Xa estamos de volta con novas ideas para este curso. Espiñeiriña acábavos de deixar un reto,  que vos parece? Estade atentos ás pistas que vos chegarán ás aulas nas próximas semanas.

Ola a todos e todas!

Cómo foi  o voso verán? O meu,  nun principio pensei que sería moi aburrido e triste porque este ano,  debido a crise esta que non nos deixa, non puiden marchar de vacacións  moi lonxe…de feito,  tiven que veranear na charca do cole!! Recoñezo que non empecei coa mellor disposición pero cando tiven que voltar ao cole decateime que este fora o mellor verán da miña vida!!!! Fixen amigos e amigas novos e vivín con eles as mellores aventuras…

Xa ando pola biblioteca do cole argallando a celebración do meu aniversario, estou a piques de cumprir 13 anos… Case nada!!! E coma tódolos anos quero celebralo convosco pero dunha maneira diferente,  en vez de agasallos,  vos propoño un xogo.  Durante as seguintes semanas e ata o día 21 de outubro recibiredes de cando en vez unhas pistas (os maiores) e unhas adiviñas (os de Infantil) que vos levará a pescudar  cales son os meus novos amigos e amigas da charca.  Cando creades ter a solución coa axuda dos vosos titores e titoras pegaredes nun folio DINA3 as pistas recibidas e de maneira artística presentaredes a solución do reto proposto.  Qué vos parece? Acompañádesme na pescuda?

Bicos e apertas

ESPIÑEIRIÑA