OBRA DE TEATRO: "O PAPÓN"

Ola! Estou moi feliz de volver a estar por aquí e saudarvos...

Sabedes unha cousa moi moi interesante? O alumnado de 2º de Educación Primaria convidou primeiro ás familias e amizades e despois a todas as clases da escola a ver a magnífica obra de teatro do conto O Papón. Por certo, eu tamén tiven a gran sorte de ir... quedei abraiado!

Neste sentido, como ben sabedes a representación dese conto é o resultado dun proceso bastante longo, de meses de traballo e de ensaio. As pequenas actrices e os pequenos actores contáronme un pouquiño como foi a proceso, que vou compartir con vos:

- Selección e lectura do conto

- Reflexión sobre a historia

- Repartición por sorteo das diferentes personaxes que ía asumir cada persoa

- Traballo sobre o diálogo que lle tocou a cada menor

- Ensaios de varias sesións (na aula)

- Reflexión sobre como ía a ser o escenario

- Debate sobre que materiais, obxectos, mobiliario ían traer cada unha e cada un

- Deseño da decoración do escenario

- Colocación de todos os elementos no escenario

- Ensaios de varias sesións no escenario real e o último xa foi coa caracterización de cada personaxe

- Deseño e escrita da carta de convite para ver a obra

- E...

... chegou o día da estrea mundial da obra de teatro O Papón cun público moi numeroso no que se podían ver nais, pais, avoas, avós, curmáns, amigas, amigos, compañeiras de outras clases e moitísimas máis persoas... foi incrible!

Por iso, foi tal o éxito que o resto de clases tiñan moitas ganas de poder ver ese magnífico traballo e os primeiros convidados foron os de Educación Infantil e 1º de Educación Primaria e outro día foron velas e velos o resto de clases de Educación Primaria.

Velaquí un breve resumo con imaxes do proceso:

Unha vez dito isto, soamente quédanme palabras para dicir que nun libro pódese cantar, falar, rir, chorar e berrar en silencio... a iso chámaselle ler.

Unha aperta xigantísima!

Espiñeiriña