SEMENTANDO E COIDANDO A IGUALDADE

 Bo día navegantes:

Este ano, como ben sendo habitual no noso centro,  a nosa actividade de sensibilización en torno o "Día Universal contra a violencia de Xénero" consistíu nunha actividade conxunta de todo o colexio, coa intención de transmitir ao resto da cidadanía o rexeitamento a violencia e o dereito ao bo trato.

Para iso dirixímonos a "Praza das Pontes" en Cangas facendo un "pasarrúas" acompañados de músicos entre os cales atopábanse familias, amig@s e profesorado do centro.

 

 

Alí, cos outros centros participantes na actividade organizada polo CIM do Concello de Cangas, presentamos a nosa proposta musical... Nesta ocasión, entre todo o alumnado do centro inventouse a letra dunha canción baseada na melodía de "Se chove" de Treixadura, titulada PASODOBRE DA IGUALDADE.

 

Pincha na seguinte ligazón para escoitar a canción:

PASODOBRE A IGUALDADE

Tamén no centro elaboramos unha pancarta e un mural colectivo entre todo o alumnado co título de "Sementando e coidando a igualdade", para facer visible a nosa denuncia sobre a existencia deste grave problema, que lonxe de minorarse, medra e adopta diversas formas de expresión.

Un saúdo e ata a próxima...

TODAS E TODOS AO COLE EN PIXAMA

O pasado luns reivindicamos o Día Universal da Infancia dunha forma moi especial, pois quixemos colaborar coa Asociación Estatal de Acogimiento Familiar seguindo a súa marabillosa proposta de vir ó cole en pixama. O pixama é símbolo de intimidade familiar, un momento no que as crianzas se senten protexidas, arroupadas e seguras. Así, a través desta acción e das diferentes actividades realizadas, concienciamos sobre 💜 O DEREITO DE TODO NENO E NENA A CRECER EN FAMILIA 💜

💭 ONDE COMEZAN OS SOÑOS! é o título do mural que realizamos. Nel podedes contemplar ó noso alumnado, pensando no seu soño, acompañado do seu obxecto de apego.

📹 SESIÓN DE CURTAS relacionadas co acollemento familiar e o dereito a crecer en familia.

📙 LECTURAS que abordan a temática da diversidade familiar e os dereitos da rapazada. Algunhas destas obras literarias chegaron as aulas de infantil envoltas en papel de agasallo.

E ata aquí o noso día do pixama! 

Despídome ata a próxima aventura,

Espiñeiriña

SE NON TES MAÑA, NON COMES NINGUNHA CASTAÑA!

 Ola navegantes! Tédesme de novo por aquí!

SON DE COR CHOCOLATE, ÁBRENSE COA CALOR, E SE AS BOTAS AO LUME, ESTOUPAN DE SABOR.

REDONDIÑA E MORENIÑA, UN POUCO APLASTADA, PODES COMELA CRÚA, COCIDA OU ASADA.

OUTONO BONITO, FOLLIÑAS NO CHAN, CASTAÑAS ASADAS, QUE BOAS ESTÁN.

Retahílas coma estas resoan nas escolas, nas casas, nas rúas... é outono, é tempo de castañas...

O pasado venres celebramos, como cada ano, o Magosto na nosa escola! Para iso, as familias trouxeron leña, castañas e, por suposto, ofrecéronse voluntarias para axudarnos no asado deste delicioso froito seco!

Porén, agora vou detallarvos polo miúdo como foi o transcurso da xornada:

- Xuntanza do alumnado no Arco de Vella para confeccionar os diferentes grupos mixtos.

- Xogos populares no pavillón organizados pola Asociación Corredoiras. A continuación podedes ver como desfrutou a cativada...

•  VIRAR CHAPAS

 

• TROMPOS

• DIÁBOLO

 

• PEZAS XEOMÉTRICAS

• AROS

 

• ZANCOS

 

• LABIRINTO DE CHAPAS

 

• CORDA

• RÁ

 

• RAIOLA

 

• PELOUROS

• PÉNDULO DE BOLA

• PESCA BOTELLAS

 

• LANZAMENTO DE ARIÑOS

- Xuntanza coas familias para degustar as castañas asadas: que pracer!

 

Isto é todo! 

Ata outra queridiñas e queridiños!

Espiñeiriña.

OS MINIMORTOS DA ESPIÑEIRA

Este ano, para festexar o Samaín na Espiñeira, centrámonos na colección de contos de LEDICIA COSTAS sobre "OS MINIMORTOS".

Os corredores estaban tan decorados, que metían medo...

O alumnado de E.I. e 1º, 2º, 3º e 4º de E.P. participou en cinco OBRADOIROS,  dirixidos por un mestr@ caracterizado por unha personaxe destes contiños -Dinamito, Maia, Pochiña, Petunio e Katakrack-  e axudados polos nenos e nenas de 5º e 6º de E.P. 

Os OBRADOIROS para o alumnado de E.I. e 1º de E.P. foron os seguintes:

1. BOCATA EXTRATERRESTRE: O alumnado elaborou unha receita moi saudable baseada nun sándwich en pan de molde con queixo, xamón, pauciños, uvas, arandos e xirope de chocolate.

 

2. APÓCEMAS EN LUZ NEGRA: Cada nen@ elaborou a súa apócema, con pinturas fluorescentes e moitos ingredientes de bruxas: ollos, cabazas, arañas, escorpións...

    

  

 

3. MESA SENSORIAL GRIMOSA: O alumnado puido desfrutar na "tuff tray" dunha experiencia que remexeu todos os seus sentidos.

     

    

    

4. BINGO MONSTRUOSO: Os nenos e nenas cubriron distintos cartóns de bingo con arañas monstruosas.

 

 

5. MONSTROTECA: O alumnado puido desfrutar de contos, curtas e por suposto, dunha discoteca terrorífica, organizada polo alumnado de 5º e 6º de E.P.

Pola súa banda, o alumnado de 2º, 3º e 4º realizaron outros cinco OBRADOIROS:

1. MORCEGO VOADOR  OU ARAÑA: Os nen@s realizaron distintas  manualidades utilizando materiais como cartolina, pinzas da roupa, bridas, limpapipas e ollos móbiles.

 

2. BAILE DA CABACIÑA: O alumnado bailou distintas cancións de Samaín intentando manter a cabaza entre as frontes ao ritmo das cancións máis terroríficas.

 

  

3. MERENDA TERRORÍFICA: Os nen@s elaboraron elaboraron distintas sobremesas como vasoiras de bruxa (queixo, pauciños e regaliz), teas de araña (madalenas e chocolate fundido) e caras terroríficas (plátanos ou mandarinas con pebidas de chocolate).

 

4. CARREIRA DE VASOIRAS: O alumnado tiña que desprazarse con diferentes movementos, procurando mantar a vasoira en equilibrio.

 

5. LENDAS DOS MINIMORTOS: Os nenos e nenas de 5º e 6º de E.P.  realizaron unha sesión de contacontos con distintas lendas e historias de medo. 

Tamén puideron escoitar alguns contos escritos polo alumnado de 5º e 6º de E.P., baseados nos Minimortos, pero coas súas propias historias... 

Podedes escoitar algunha destas lendas terroríficas na seguinte ligazón:

https://espinheiranasondas.blogspot.com/2023/10/os-minimortos.html

Ademais,  en cada uns dos obradoiros o alumnado tiña que ir pegando un cromo no seu ÁLBUM DO SAMAÍN para poder completalo o ir superando as distintas probas dos obradoiros... 

  

E xa, para rematar esta xornada de Samaín,  puidemos desfrutar dunhas merendas terroríficas feitas por verdader@s cociñeir@s monstruos@s:

  

E ata aquí foi todo...

Un saudiño e ata a próxima navegantes!