O CORAZÓN DA ESCOLA, A BIBLIOTECA

Boas tardes queridiñas e queridiños!

O pasado xoves 29 de maio remataron os recreos na biblio que tiveron lugar os martes e os xoves. O alumnado escollía acudir ao corazón da nosa escola, á biblioteca, ben sexa para ler, para relaxarse, para desfrutar cos xogos de mesa, etc. 

Este curso, as dúas mestras bibliotecarias estiveron acompañadas da rapazada axudante (voluntaria) de 4º e 5º de Educación Primaria que levou a cabo diferentes tarefas, como por exemplo:

- Organizar sesións de contacontos relacionados con algunha efeméride. Nestas fotos foi polo Día da Paz e da Non violencia escolar.

- Preparar actividades como obradoiros de pintacaras nunha das zonas do patio (no Arco da Vella). Cómpre dicir que non soamente desfrutaron as nenas e os nenos, tamén o profesorado.

    

     

- Colocar os libros nos andeis correspondentes e ordenar os xogos.

- Axudar á cativada na escolla dunha nova aventura literaria.

- Seleccionar as novidades e poñelas nos andeis ou mesmo seleccionar os libros para as efemérides.

- Reparar aqueles exemplares que están deteriorados.

- Dinamizar a biblioteca como un lugar para falar de diferentes aspectos como neste caso de xogadores de balonmán. 

Para o ano máis e mellor!

Espiñeiriña.

CLUB DE LECTURA "SOLILOQUIO DE SOÑOS"

Boas tardes lectoras e lectores!

Hoxe desfrutamos da última xuntanza de Soliloquio de Soños. Parece que aínda foi onte, pero xa pasou un curso escolar dende que iniciamos a nosa aventura no mundo dos Clubs de lectura. Neste sentido, se botamos a vista atrás dámonos conta que foi unha traxectoria moi fermosa onde os libros uniron a persoas. Para as mediadoras do Equipo de Biblioteca supuxo unha gran motivación seleccionar as lecturas, preparar as sesións, mediar os faladoiros e coñecer as opinións sobre as novelas do alumnado participante. 

O peche deste ano académico foi, para 4º e 5º de Educación Primaria O corazón das casas (2024) de An Alfaya e para 6º de Educación Primaria Milú e o edificio das persoas extraordinarias (2024) de Abel Tomé. Por suposto, mentres os nosos cerebros desfrutaban debatendo sobre os libros, as nosas papilas gustativas tamén o facían cos doces! Foi todo un pracer para os cinco sentidos! 

Ao finalizar a sesión, o lectorado reflexionou sobre:

- O desenvolvemento de todas as xuntanzas: segundo el foron moi acolledoras e nas que o tempo rapidamente se escorría. 

- As melloras para o próximo curso como por exemplo que cada menor puidera recomendar ao resto de participantes libros que lle gustan. Ou mesmo un rapaza de 6º de E.P. propuxo ler biografías como o Diario de Ana Frank.  

- Aqueles aspectos a seguir mantendo, entre os cales está seguir ofrecendo comida mentres se fala, seguir alternando novelas en castelán e galego, seguir facendo xogos relacionados coas historias, seguir descubrindo novos xéneros literarios, seguir mantendo un ambiente distendido, etc.

- A elaboración do logo do noso Club de lectura por parte delas e deles.

Cómpre engadir que para agradecer a participación e a implicación de todas elas e de todos eles, as dinamizadoras do Club de lectura agasallaráronas e agasalláronos cuns marcapáxinas!

O corazón da nosa casa, da nosa escoliña, son os libros!

Espiñeiriña.

BIBLIOTECA ACTIVA

Ola queridiño público lector!

Pois xa se vai achegando o día para finalizar un fermoso curso cheo de experiencias, aventuras, anécdotas, etc. En toda esta secuencia de palabras estivo presente no soamente o alumnado e o profesorado, tamén as familias. 

Esta escoliña é un lugar onde non unicamente se aprenden contidos académicos senón que tamén se adquiren importantes pautas de relación social. Ademais, convértese nun fogar para toda a comunidade educativa da que forman parte as familias. Neste sentido, para que estas últimas se sintan cómodas e haxa un clima de comunicación e cooperación é imprescindible que se xeren espazos, momentos e vías de encontro.

Polo tanto, con esta finalidade, dende o curso pasado naceu por iniciativa dunhas familias a Biblioteca activa. Un espazo onde poder compartir actividades en boa compañía e desfrutar! 

Se queredes saber que cousas fermosas aconteceron na biblioteca non tendes máis que lelo a continuación:

- Mércores 9 de outubro: Cóntanos o teu conto. Aquí compartiron e volvéronse a atopar cos seus libros favoritos e así formar parte dunha comunidade lectora.

- Mércores 13 de novembro: Creando historias. Desta volta xogaron coas imaxes e as ideas para facer medrar entre todas as familias as historias á súa medida e gusto.

- Mércores 11 de decembro: Pegadas, onde observaron e xogaron con elementos da natureza.

- Mércores 26 de febreiro: Debuxos para abrir. Neste crearon debuxos que medran e minguan segundo nos apeteza.

- Martes 25 de marzo: Obradoiro teatral para familias na cal xogaron, inventaron situacións divertidas, aceptaron os propios erros e, sobre todo, riron moito.

As últimas palabras voullas adicar á AFA e ao equipo de biblioteca activa que foi quen argallou todas as actividades, grazas Vida, Raquel, Dani e Marian.

Un saúdo,

Espiñeiriña.

SEI CANTAR, SEI BAILAR... SEI TOCAR A PANDEIRETA...

Este ano quixemos festexar o DÍA DAS LETRAS GALEGAS adicando a semana do 12 ao 16 de maio, a desenvolver distintas actividades relacionadas con:

AS CANTAREIRAS E A POESÍA POPULAR 

personificado en Adolfina e Rosa Casás Rama, de Cerceda, Eva Castiñeira Santos de Muxía, e Manuela Lema, Teresa García Prieto e Prudencia e Asunción Garrido Ameixenda, integrantes, estas catro das Pandereteiras de Mens (Malpica), co obxectivo principal de darlle pulo a nosa lingua e coñecer a nosa cultura.

Para iso, organizamos 6 OBRADOIROS  relacionados coa temática elexida para este ano. O alumnado en grupos mistos formados por alumnado

• E.I. e 1º E.P.
• 2º e 3º
• 4º e 5º 

foi rotando polos 6 espazos nos que estaban organizados os obradoiros e os cales tiñan un CARTEL relacionado co que se ía realizar nel. 

         

 

Os OBRADOIROS foron os seguintes:

1.  CANTO E PERCUSIÓN (aula de psicomotricidade): Acompañamento musical con distintos instrumentos das cancións elexidas para a elaboración do noso CANCIONEIRO DAS LETRAS GALEGAS.

 

 

2. CURTAMETRAXE (biblioteca): O alumnado de 1º e 2º de E.P. baseándose no conto "Coas mans baleiras" de OQO desembarcou nesta fermosa historia para participar no concurso de curtas de animación en galego Nós tamén creamos!  Foi toda unha aventura na que tiveron que poñerse mans a obra, viaxando a través dos contos...

A misión de 1º e 2º de E.P. foi mudar a narración inicial deste conto, dando lugar a outra aventura na que Alba, nena do conto orixinal, convértese nunha anciá para lembrar os momentos da vida e cóntarllos á súa neta Carmela...

3. VEN BAILAR A MUIÑEIRA  (patio): A rapazada aprendeu a moverse polo espazo a ritmo de muiñeira cuns sinxelos pasos de baile.

4. AS CANTAREIRAS NAS LETRAS:  (aula 5º E.P.): Neste espazo coñecemos as cantareiras homenaxeadas este ano e fixemos traballos relacionados coa súa vida e historia. 

  

5. VEN TOCAR A PANDEIRETA:  (aula 5 anos): Obradoiro de pandeireta no que o alumnado coñecerá e intentará tocar tres ritmos básicos como a xota, o pasodobre e a muiñeira.

6. INSTRUMENTOS MIÚDOS:  (aula 4 anos): Visita do "Peix", músico da contorna, para amosarnos a súa coleción de instrumentos e ensinarnos como soa cada un deles.

 

Para facilitar a orde de rotación, cada responsable levaba unha cartilla de navegación c@s compoñentes de cada grupo e os espazos nos que se situaba cada obradoiro, que debía ir selando cun adhesivo o rematar a realización de cada un dos obradoiros.

 

Tamén, entre todo o alumnado do centro e ao longo da semana fomos elaborando unha CREACIÓN PLÁSTICA, a cal decora os corredores do noso centro. Aquí podedes ver o resultado final:

Doutra banda, e outro dos días da semana,  realizamos un OBRADOIRO, da man de Erica Iglesias Neira sobre AS MULLERES NA MÚSICA TRADICIONAL GALEGA E OS INSTRUMENTOS MIÚDOS, unha actividade a través da voz feminina englobando todo tipo de instrumentos tradicionais de percusión miúda, que as mulleres do século XX utilizaban paras amenizar as festas ou comunicarse a través da música en ámbitos tan cotiás como o propio traballo, moitos de eles propiamente femininos. Nesta actividade a través da música cantada, tanto tradicional como popular, e instrumentos como a pandeireta, pandeira, pandeiro, sacho conn pedra, culleres, lata de pementón, castañola, tarrañola, botella de anís, prato con dedais... téntase explicar o alumnado a importancia que tiveron as mulleres no século pasado coa música.

Por último, tamén adicamos o último día da semana a facer unha pequena homenaxe ao noso Ghaiteiro do Piñeiro, que tantas veces de maneira desisteresada colaborou co noso centro, elaborando un CANCIONEIRO no cal pretendimos homenaxear a estas mulleres con distintas letras, en dúas das cales participou activamente este recoñecido músico de Aldán.

Non se nos ocorreu mellor maneira que organizando unha FOLIADA aberta na que non faltaran amigos e músicos da nosa contorna e na que convidamos a toda a Comunidade Educativa a participar nesta merecida homenaxe, xa que faleceu o pasado 9 de marzo aos 89 anos de idade. Cada ciclo representou unha das cancións que aparecen no cancioneiro.

Tamén elaboramos unha PANCARTA con fotos dos distintos momentos nos que o Ghaiterio do Piñeiro participau nas actividades do noso centro e que colocaremos na entrada do noso cole.

E cada nena e neno levou un imán para lembrarse desta data tan salientable no noso colexio... grazas o modelo que nos cedeu A fiestra da Mestra para que personalizaramos e fixeramos na nosa 

Impresora 3D.

Por último, como é habitual no noso centro predentamos unha selección de libros sobre a tematica e na que non podian faltatr as últimas novedades das Letras Galegas deste ano....

E ata aquí foi todo...         

UN SAUDIÑO  E A SEGUIR DÁNDOLLE PULO A NOSA LINGUA... 

PORQUE O GALEGO MOLA... E MOITO...